Transcription
1
Monsieur, je me remectrai à ce que messieurs d’Ourches et de
2
Chastelart vous auront escritz touchant le succès de
3
l’affère pour lequel est icy venu le procureur Michallon. Leurs
4
majestés ont monstré qu’elles ont voz services en toute bonne
5
souvenance. S’il plaist à Dieu, elles vous reserveront ceste bonne
6
volunté en occasion qui ne nous soit pas si luctueuse et
7
de ce que je vois y pourrai savoir, je me y employerai comme
8
pour l’un des seigneurs de ce royaulme que j’honnore le plus.
9
Je m’asseure aussi, Monsieur, que vous aurés esté adverty
10
de la poursuicte que font icy les deputés de ceux de la
11
nouvelle religion de vostre gouvernement ; vous ne y aurés pas
12
esté oublyé. J’en ay dict ce que m’a semblé, premièrement au
13
conseil depuis ausdits deputez, exepté à monsieur de Saint-
14
Romain que je n’ay pas veu ce jourd’huy. J’en ay longuement
15
parlé avecques la royne et n’ay rien obmis de ce que
16
j’estime que porte le devoir. Sa majesté a grande opinion
17
de vos louables actions. Je desire, Monsieur, qu’il vous plaise
18
leur en escrire. Ces gens disent que depuis la paix vous
19
avés entièrement changé de naturel et que vous vous
20
monstrés partial, ne permectant qu’ilz puyssent jouir de
21
l’edict de la paix. Je m’asseure Monsieur, que vous userés
22
de ce temperament que pour leur mesdisance vous ne vous
23
lascherés à chose qui prejudicie au service du roy ou puisse
24
instament offenser les catholiques. Aussi, Monsieur, suys-je
25
bien d’avis que vous les esclarcissiés tellement de votre droicte
26
intention à l’observation dudit edict et conservation de la
27
paix et unyon que sur vous fondemens, nous qui sommes
28
esloignés de vous, puyssions clorre la bo[u]che à ceux qui
29
[v°] vouldroient calumnier voz actions. J’adjoupterai
30
une chose que je scai n’estre aulcunement necessaire,
31
c’est que par votre aquanimité accoustumée
32
vous ne permectiez que ceux qui notoirement vous
33
ont porté trop peu de respect se puyssent vanter
34
d’avoir peu alterer aulcune chose en la doulceur et
35
bonté de votre naturel. Je m’asseure que vous
36
serés ayse de les avoir renduz meilleurs par justice
37
et par patience. Des affères de par-deçà, je ne
38
scai que vous escrire, si ce n’est que nous sommes toutz
39
en peine de l’avenir, nous vivons en suspens, Dieu s’il
40
luy plaist permectra que le meilleur conseil soit suyvi.
41
Sur ce, je fay fin, me recommandant bien humblement
42
à votre bonne grace et de madame, votre bonne
43
partie, priant Dieu de vous donner,
44
Monsieur en parfaicte santé et toute prospérité,
45
très longue vie. C’est de Paris, le VIe jour
46
d’aoust 1572.
47
Vostre bien humble et
48
affectionné serviteur
49
Bellievre